(രാമായണ രചയിതാവായ വാല്മീകിയെ പറ്റി പല കഥകളും നിലവിലുണ്ട്.. എനിക്ക് പരിചയമായതും ഏറെ അംഗീകരിക്കപ്പെട്ടതും ആയതു ഇവിടെ പറയട്ടെ..)
ഭാരതീയ ഇതിഹാസമായ രാ‍മായണത്തിന്റെ കര്‍ത്താവാണ് പുരാതന ഭാരതീയ ഋഷിയായ വാല്മീകി. നല്ലൊരു മനുഷ്യനാകാനുള്ള ആഗ്രഹം തന്റെ ജിവിതത്തില്‍ വന്ന സമയംവരെ അദ്ദേഹം ഒരു കവര്‍ച്ചക്കാരനായിരുന്നു. പില്‍ക്കാലത്തെ ക്ലാസിക്കല്‍ കവികളാല്‍ അദ്ദേഹം ആദ്യത്തെ യഥാര്‍ത്ഥ കവി അഥവാ ആദി കവി എന്നു വിളിക്കപ്പെട്ടു. അദ്ദേഹത്തിന്റെ കൃതിക്ക് തീര്‍ച്ചയായും ഒരു പുതുമയും സാഹിത്യ പരമായ ഗുണമേന്മയും ഉണ്ട്.
ദേവനാഗരി ലിപിയില്‍, സംസ്കൃതത്തിലാണ് വാല്മീകിയുടെ രാമായണം എഴുതപ്പെട്ടിരിക്കുന്നത്. 24000 ശ്ലോകങ്ങള്‍ അടങ്ങിയിട്ടുള്ള ഇത് ഏഴ് വിഭാ‍ഗങ്ങളായി വിഭജിക്കപ്പെട്ടിരിക്കുന്നു.യോഗ വസിഷ്ടയുടെയും കര്‍ത്താവ് വാല്മീകി ആണെന്ന് കരുതുന്നു.. രാമന്‍ തന്റെ ജീവിതത്തിന്‍റെ ഒരു സമയത്തു ജീവിതത്തോട് കൊതി തീര്‍ന്നു നിരാശനായപ്പോള്‍ യോഗ വസിഷ്ഠ പഠിച്ചു എന്ന് വിശ്വസിക്കുന്നു..
വാല്മീകി പ്രചെതസന്‍ മഹര്‍ഷിയുടെ മകനായി ആണ് ഭൂജാതനായത്‌.. രത്നാകരന്‍ എന്ന പേരില്‍ വളര്‍ന്ന അദ്ദേഹം കാട്ടില്‍ ചെറുപ്പത്തില്‍ പോവുകയും വഴിതെറ്റി വീട്ടിലേക്കുള്ള മാര്‍ഗം മറന്നു അലഞ്ഞു തിരിഞ്ഞു നടന്നപ്പോള്‍ ഒരു വേട്ടക്കാരന്‍ ആ ബാലനെ കണ്ടെത്തുകയും തന്റെ വീട്ടിലേക്ക് കൂട്ടി കൊണ്ടുപോകുകയും ചെയ്തു.. പുതിയ രക്ഷകര്‍ത്താവായ വേട്ടകാരന്‍റെ ശിക്ഷണത്തില്‍ വളര്‍ന്ന രത്നാകരന്‍ കാലക്രമേണ സ്വന്തം പിതാവിനെയും പൂര്‍വകാലത്തെയും മറക്കുകയും ഒടുവില്‍ വിവാഹപ്രായമെത്തിയപ്പോള്‍ വേട്ടക്കാരുടെ കുടുംബത്തില്‍ നിന്നു വിവാഹം കഴിക്കുകയും ചെയ്തു..
എന്നാല്‍ വിവാഹം കഴിഞ്ഞു കുടുംബം വലുതായപ്പോള്‍ കുടുംബത്തെ പൊട്ടാന്‍ നായാട്ടും വേട്ടയും പോരെന്നു തിരിച്ചറിഞ്ഞ രത്നാകരന്‍ വഴിയാത്രക്കാരെ കൊള്ളയടിക്കാന്‍ തുടങ്ങി.. വിജനമായ വഴിയില്‍ വരുന്ന യാത്രക്കാരെ കൊള്ളയടിച്ചു ധാരാളം പണം രത്നാകരന്‍ സമ്പാദിച്ചു..അങ്ങനെ ഒരിക്കല്‍ അതുവഴി വന്ന നാരദ മഹര്‍ഷിയെ കൊള്ളയടിച്ച രത്നാകരനെ നാരദ മഹര്‍ഷി വീണ വായിച്ചു കേള്‍പ്പിക്കുകയും വിഷ്ണുവിനെ സ്തുതിച്ചു കേള്‍പ്പിക്കുകയും ചെയ്തു...
ഇതു കേട്ട രത്നാകരനില്‍ ആത്മീയ ചൈതന്യം നിറയുകയും മാറ്റങ്ങള്‍ ഉണ്ടാവുകയും ചെയ്തു..ഇതു കണ്ട നാരദന്‍ രത്നാകരന്‍ ചെയ്യുന്ന കൊള്ളയെം പിടിച്ചുപറിയേയും പറ്റി ചോദിക്കുകയും ചെയ്തു.. ഇതില്‍ കൂടി സമ്പാദിക്കുന്ന പണം വീട്ടില്‍ എല്ലാവരും വാങ്ങുമെങ്കിലും അതിന്‍റെ പാപത്തിന്‍ ശിക്ഷയില്‍ അവര്‍ പങ്കാളികള്‍ ആകുമോ എന്നറിഞ്ഞു വരാന്‍ വിട്ടു.. എന്നാല്‍ ഈ പാപത്തിന്‍ പങ്കാളികള്‍ ആവാന്‍ രത്നാകരന്‍റെ കുടുംബം തയ്യാറായില്ല... അങ്ങനെ വിഷണ്ണന്‍ ആയ രത്നാകരന്‍ നാരദരുടെ പക്കലെത്തി..
പാപമോചനത്തിന് പരിഹാരം ചോദിച്ച രത്നാകരനോട് താന്‍ വരുവോളം രാമ നാമം ജപിക്കുവാന്‍ ആവശ്യപ്പെടുകയും തപസ്സുചെയ്യുവാന്‍ ഉപദേശിക്കുകയും ചെയ്തു..നാരദര്‍ പോയശേഷം രാമനാമം ജപിച്ചുകൊണ്ട്‌ തപസ്സിരുന്ന രത്നാകരന്‍ വര്‍ഷങ്ങളോളം തപസ്സിരുന്നു.. അവസാനം രത്നാകരന്‍ ഇരുന്നിടത്ത് ചിതല്‍പുറ്റുകള്‍ ഉണ്ടാക്കി.. അങ്ങനെ നാരദര്‍ വന്നപ്പോള്‍ ചിതല്‍പുറ്റില്‍ രത്നാകരനെ കാണുകയും നാരദ മഹര്‍ഷി ചിതല്‍ പുറ്റുകള്‍ നീക്കം ചെയ്ത ശേഷം ദൈവം രത്നാകരനില്‍ പ്രാസാദിചെന്നും പാപങ്ങള്‍ക്ക് മാപ്പു നല്കിയെന്നും അറിയിച്ചു...
അതോടൊപ്പം ചിതല്‍ പുറ്റില്‍ നിന്നു വന്നവന്‍ എന്ന നിലയില്‍ (വാല്‍മീകം = ചിതല്‍പുറ്റുകള്‍) വാല്മീകി എന്ന പേരുനല്‍കി.. ഒപ്പം വാല്മീകിയെ ബ്രഹ്മര്‍ഷിയായി അവരോധിച്ചു.. ഒപ്പം വാല്മീകി ഗംഗാ തീരത്ത് തന്റെ ആശ്രമം സ്ഥാപിച്ചു..
അങ്ങനെ ഒരു ദിവസം വാല്മീകിയുടെ ആശ്രമത്തില്‍ ശ്രീ രാമനും ,സീതാദേവിയും,ലക്ഷമണനും വരുകയും അവിടെ വെച്ചു വാല്മീകിയുടെ അഭ്യര്‍ഥന പ്രകാരം ശ്രീരാമന്‍ ചിത്രകൂടം എന്ന കുടില്‍ വാല്മീകിയുടെ ആശ്രമത്തിന്‍റെ സമീപം പണിഞ്ഞു എന്ന് ചരിത്രം.അങ്ങനെ ഒരിക്കല്‍ നാരദ മഹര്‍ഷി വാല്മീകിയുടെ ആശ്രമത്തില്‍ വരികയും ശ്രീരാമ കഥകള്‍ പറയുകയും രാമായണം എഴുതാന്‍ പ്രേരിപ്പിക്കുകയും ചെയ്തു.. ബ്രഹ്മാവ്‌ അദ്ദേഹത്തിന് ജ്ഞാനം ദാനം ചെയ്തെന്നും അങ്ങനെ രാമായണം പിറവി എടുത്തെന്ന് വിശ്വസിക്കുന്നു..
എന്നാല്‍ ആദ്യ ശ്ലോകം ആയ മാനിഷാദ എങ്ങനെ പിറവി എടുത്തെന്നതിനും ഒരു കഥയുണ്ട്..ഒരിക്കല്‍ വാല്മീകി മഹര്‍ഷി ഗംഗസ്നാനതിനു വേണ്ടി തന്റെ ശിഷ്യനായ ഭരധ്വാജിനോപ്പം വന്നപ്പോള്‍ ഒരു വേടന്‍ ഒരു ക്രോ‌ഞ്ജ പക്ഷികളില്‍ ഒന്നിനെ അമ്പെയ്തു വീഴ്ത്തുകയും അതില്‍ ആണ്‍പക്ഷി അമ്പേറ്റു വീണത്‌ കണ്ട വാല്മീകി ക്രുദ്ധനായി ഉരുവിട്ടതാണ് ആദ്യ സംസ്കൃത ശ്ലോകമായ മാനിഷാദ..
"മാ നിഷാദ പ്രതിഷ്ഠാം ത്വമാഗമ: ശാശ്വതി: സമ:
യത് ക്രൌഞ്ചമിഥുനാദേകമവധി: കാമമോഹിതം"
ഇതു സംസ്കൃതത്തിലെ ആദ്യ ശ്ലോകം ആയതിനാല്‍ വാല്മീകിയെ ആദിമകവിയെന്നും വിളിക്കുന്നു..
Wednesday, December 24, 2008
Subscribe to:
Post Comments (Atom)
3 comments:
രത്നാകരന്‍ എന്ന വാല്മീകി
(രാമായണ രചയിതാവായ വാല്മീകിയെ പറ്റി പല കഥകളും നിലവിലുണ്ട്.. എനിക്ക് പരിചയമായതും ഏറെ അംഗീകരിക്കപ്പെട്ടതും ആയതു ഇവിടെ പറയട്ടെ..)
ഭാരതീയ ഇതിഹാസമായ രാ‍മായണത്തിന്റെ കര്‍ത്താവാണ് പുരാതന ഭാരതീയ ഋഷിയായ വാല്മീകി. നല്ലൊരു മനുഷ്യനാകാനുള്ള ആഗ്രഹം തന്റെ ജിവിതത്തില്‍ വന്ന സമയംവരെ അദ്ദേഹം ഒരു കവര്‍ച്ചക്കാരനായിരുന്നു. പില്‍ക്കാലത്തെ ക്ലാസിക്കല്‍ കവികളാല്‍ അദ്ദേഹം ആദ്യത്തെ യഥാര്‍ത്ഥ കവി അഥവാ ആദി കവി എന്നു വിളിക്കപ്പെട്ടു. അദ്ദേഹത്തിന്റെ കൃതിക്ക് തീര്‍ച്ചയായും ഒരു പുതുമയും സാഹിത്യ പരമായ ഗുണമേന്മയും ഉണ്ട്.
ആദ്യകാവ്യം രാമായണം ആണോ....? അത്് '' അഗ്നിമീളേ '' എന്നാരംഭിക്കുന്ന ഋഗ്വേദം
ആദ്യകാവ്യം രാമായണം ആണോ....? അത്് '' അഗ്നിമീളേ '' എന്നാരംഭിക്കുന്ന ഋഗ്വേദം
Post a Comment