ആത്മീയജ്ഞാനം എപ്പോഴും ബൌദ്ധിക വളര്‍ച്ചയ്ക്കും അതേപോലെ ആത്മീയ വളര്‍ച്ചയ്ക്കും അത്യന്താപേക്ഷം ആയ ഒന്നാണ്. അടുത്തിടെ നമ്മളില്‍ കുറഞ്ഞുകൊണ്ടിരിക്കുന്ന സ്നേഹ ബഹുമാന പരസ്പരബന്ധത്തില്‍ മാത്രമല്ല വര്‍ദ്ധിച്ചുവരുന്ന അസഹിഷ്ണുതയും ഇതെഴുതാന്‍ കാരണമായി.
വളര്‍ന്നുവരുന്ന കുട്ടികള്‍ മാത്രമല്ല മുതിര്‍ന്നവരും ഇതേപ്പറ്റി പഠിയ്ക്കണം അറിയണം എന്നാണു എന്‍റെ മതം.ഹൈന്ദവ വേദാന്തത്തിന്‍റെ അടിത്തറകള്‍ ആണ് ഉപനിഷത്തുകള്‍. അതില്‍ തന്നെ ഏറ്റവും ഹ്രസ്വം ആയതും എന്നാല്‍ ഏറ്റവും ഉത്തമം ആയതും എന്ന് കരുതപ്പെടുന്നത് മാണ്ടൂക്യാ ഉപനിഷദ് ആണ്.ഗദ്യത്തില്‍ ഉള്ള മഹത്തരങ്ങളായ പന്ത്രണ്ട് സൂക്തങ്ങള്‍ ഇതില്‍ അടങ്ങിയിരിക്കുന്നു..
ഏറ്റവും പ്രധാനപ്പെട്ടതും അതോടൊപ്പം ഗഹനവും രഹസ്യമയവും ആയ "ഓം" എന്നതിനെ ഇതില്‍ പരാമര്‍ശിക്കുകയും വിശദീകരിക്കുകയും ചെയ്തിരിക്കുന്നു.മനുഷ്യമനുസ്സിന്‍റെ മൂന്നു അവസ്ഥകള്‍ ആയ ദൈനിക ഉണര്‍വ്,നിദ്രാടനം ,ഉറക്കം എന്നിവയെ വളരെ വ്യക്തമായി വിശദീകരിച്ചിരിക്കുന്നു..അതോടൊപ്പം പരമപ്രധാനവും വിശിഷ്ടവുമായ ആത്മശോഭനവും ഇതില്‍ പ്രതിപാദിച്ചിരിക്കുന്നു..ഈ ഉപനിഷദ് ആവാം ഒരു പക്ഷെ ഏറ്റവും പ്രകീര്‍ത്തിക്കപ്പെട്ടുള്ളത്.
ദിവ്യമായ മുക്തികോപനിഷദ് പറയുന്നതു വിശ്വസിച്ചാല്‍ പരമമായ ബ്രഹ്മഞാനതിനും ബ്രഹ്മമോക്ഷം പോകാനും മണ്ടൂക്യ ഉപനിഷദ് പാരായണം മാത്രം മതിയാകും.പ്രസ്തുത ഉപനിഷദ് നാമത്തില്‍ തന്നെ മണ്ടൂകം അഥവാ തവളയുടെ പേരു വന്നിട്ടുണ്ടെങ്കിലും ഗൌഡപാദരോ ശ്രീശങ്കരാചാര്യരോ പേരിനെ വ്യാഖാനിക്കുകയോ പരാമര്‍ശിക്കുകയോ ചെയ്തില്ല..
മണ്ടൂകിയുടെ മകനും പ്രശസ്ത ദാര്‍ശനികനും അറിവിലും തപസ്യയിലും പെരുകെട്ടവനും ആയ മണ്ടൂകമഹര്‍ഷി യാണ് ഈ ഉപനിഷദ് എഴുതിയത്.ബ്രിഹദരാന്യക ഉപനിഷത്തില്‍ മാണ്ടൂകമഹര്‍ഷിയേം അദ്ദേഹത്തിന്‍റെ ശിഷ്യഗണങ്ങളെയും പറ്റി പരാമര്‍ശിക്കുന്നുണ്ട്.
ഭാഗവതപുരാണത്തില്‍ മാണ്ടുകേയന്മാര്‍ ഇന്ദ്രനില്‍ നിന്നു ഋഗ്വേദം കൈവരിച്ചവര്‍ എന്ന് പരാമാര്‍ശിക്കുന്നുണ്ട്.ഹ്രസ്വ എന്ന മണ്ടൂകാന്‍ ആണ് സ്വരാക്ഷരങ്ങള്‍ നല്‍കിയതെന്നും (അദ്ദേഹത്തിന്‍റെ സംഭാവന) വിശ്വസിക്കുന്നു.ഭാര്‍ഗവാസ് എന്നറിയപ്പെടുന്ന അസൂരി ബ്രാഹ്മണന്‍മാരിലെ ഒരു ഗോത്രം ആയിരുന്നു മണ്ടൂകാന്‍ എന്നതിനാല്‍ വേറെയും ധാരാളം മണ്ടൂകന്മാര്‍ ഉണ്ടായിരുന്നു എന്ന് വിശ്വസിക്കുന്നു..
ഋക്വേദത്തില്‍ മണ്ടൂകസൂത്രം എന്ന് പരാമര്‍ശിക്കുന്നുണ്ട്.വരുണദേവന്‍ തവളയായി അവതരിച്ചു എന്നും ആ അവതാരത്തിലൂടെ ഈ ഉപനിഷദ് മനുഷ്യര്‍ക്ക്‌ ലഭിച്ചു എന്നും മറ്റൊരു വിശ്വാസം.. പക്ഷെ വരുണനും അസൂരിബ്രാഹ്മണരിലെ ഉന്നതന്‍ ആയിരുന്നു എന്നാണു വിശ്വാസം.അതേപോലെ ഇതേ പേരില്‍ ഒരു യോഗാസനവും ഉണ്ട്..
അത്യുത്തമമായ ഈ ആസനം സമ്പൂര്‍ണആരോഗ്യത്തിനു ഉത്തമെന്നും വിശ്വസിക്കുന്നു..ഭാരതത്തില്‍ ആത്മീയ ജ്ഞാനം കാംക്ഷിക്കുന്നവര്‍ ഏറി എന്നറിഞ്ഞതില്‍ സന്തോഷം.. അടുത്തതില്‍ മാണ്ടൂക്യഉപനിഷത്തിന്‍റെ മറ്റു വിശദീകരണങ്ങള്‍..
ഇനിയുള്ള പോസ്റ്റുകളില്‍ മറ്റുപനിഷത്തുകള്‍,വേദങ്ങള്‍ ശാസ്ത്രങ്ങള്‍ തുടങ്ങിയവയും പ്രതീക്ഷിക്കാം.നന്ദി..
Tuesday, December 16, 2008
Subscribe to:
Post Comments (Atom)
1 comment:
ലേഖനം കൊള്ളാം. പക്ഷേ അക്ഷരത്തെറ്റുകള്‍ അനവധി - ആഹാരം കഴിക്കുമ്പോള്‍ തെരുതെരെ കല്ലു കടിക്കുന്നതുപോലെ.
Post a Comment